Skandinavien 2015: Juni 2015

Sonntag, 28. Juni 2015

Dienstag, 23. Juni 2015

23-06 Lillehammer / Oslo

Hüt si mir mau richtig früeh ufgstande u zwar am Achti :-) hei Zmörgelet, im Hotel usschegget u när mitem Outo zum Olympiapark in Lillehammer. Mau die Sprungschanze vo nachem gseh. Es si sogar es paar Springer am Trainiere gsi u so hei mir ihne no chli chöne zueluege.

Aschliessend no chli Sightseeing u Shopping bevor mir üs ufe Wäg nach Oslo gmacht hei.

22-06 Lillehammer

Acho in Lillehammer hei mir zersch Zimmer ir alte Mühle "Hotel Molla" bezoge. Nis früsch gmacht u när isches ab ids Stedtli chli Sightseeing ga mache. Imene Pärkli hei mir es härzigs Restaurant gfunde u hei üs es Znacht gönnt.

Da üses Hotel im 9. Stock no e Bar het gha, hei mir dert no e Absacker gnosse u si de mau ga liege.

Fotos chöme no...

Sonntag, 21. Juni 2015

21-06 Molde

lHüt Morge hei mir üs in Trondheim verabschiedet u nis ufe Wäg nach Molde gmacht. U da drfür hei mir Küschtestrasse gwählt. Vieli Brügge si üs versproche worde u o e Fähre überfahrt. Bir überfahrt uf dr Fähri hei mir nüd gseh, da me im Outo het müesse bliebe sitze. Umso imposanter isch de die Brügg gsi:

U dr Höhepunkt vo däm Tag isch üses coole Zimmer in Molde wo z'Hotel wie es Sägu usgseht u mir im 11. Stock es Zimmer mit Balkon hei.

u da fahrt di ganzi Zyt so einiges diräkt vor düre.

20-06 Trondheim

Bereits am haubi Siebni isch MS Midnatsol in Trondheim acho. Denn hei mir no töif i üsere Koje pfuset. Si de rächtzitig uf, damit mir Koje am 8i hei freigä u de hei mir no gmüetlich chönne ga Zmörgele. Dr Skodali isch bereits usglade worde u grad ufem Kai abgstellt worde, so dass mir üses Gepäck hei chönne ilade u zum Hotel in Trondheim fahre. Dert isch no nüt gsi mit Check-In u so si mir de ids Stedtli. Sightseeing u Käffele isch agseit gsi.

u das si grad aui Föteli abem Handy, da mir Kamera nid hei mitgno.

Am Drüü an Nami hei mir de Check-In gmacht, chli erhole isch agseit gsi u am Abe de gmüetlih ga Ässe ir Bakklandet Gass u später de no im Dokk e Absacker ga ha.

Mittwoch, 17. Juni 2015

17-06 Üsi Suite [Lofoten]

Auso mir hei üs hie ja scho öppis tolls aus Unterkunft wöue Leischte, aber eis Schlafzimmer u Bad hätti näbscht däm grosszügige Wohnbereich mit Chuchi u Balkon scho glängt. Leider isch di Site nume uf Norwegisch gsi u mir hei verstande Suite mit zwöi Zimmer u nid zwöi Schlafzimmer. Platz hei mir ids ömu gnue u es isch u schön! D'Ussicht ufe Hafe eifach einzigartig!

Samstag, 13. Juni 2015

18-06 Lofoten / MS Midnatsol

Südwärts si mir vo Svolvær us scho gange auso hei mir hüt Tour chli i Norde gmacht. Aber das mau nüm ganz 100 km. Si mir doch geschter oscho wieder über 200 km gfahre. Isch würklich chli drum gange unterwägs dsi, chli spaziere u am haubi Siebni isch de MS Midnatsol cho. Vorhär hei mir in Svolvær no Znacht gässe u zuegluegt wie MS Midnatsol aleit. O Röbu het sech no wöue alege, aber mitere Möve. Isch de aues guet cho, mir hei ufem Schiff üsi Mini Suite bezoge u si uf Deck ga luege wie mir ablege. Mit dr Mitternachtssunne isches leider nüt worde. Zu fescht bedeckt isches gsi.

Mittwoch, 10. Juni 2015

19-06 Hurtigruten [MS Midnatsol]

E Tag ufem Schiff: Zmörgele, läse, Charte spiele, ufem Deck 9 ar Sunne im Windschatte chli plegere mit aune andere 100...Passagier, churz in Brønnôsund a Land ga e Spaziergang mache u de si mir de chli müed gsi u si i üsi Koje chli ga pfus. Ufstah, düschele u de mau luege wos uf däm Schiff öppis Znacht git. Fürs à la carte Resti si mir spät cho u so hei mir mitmene emene Menu ar 24h Bar müesse vorlieb nä. Tönt schlimmer aueses isch. Mi heis gmüetlich gha u de no chli Chatrte gspiut u i ha Röbu d'Hose i däm Spiel so richtig abegla.

U Föteli hets grad genau eis gä a däm Tag. Piktogramm si im Norde irgendwie aui chli dynamischer.

17-06 Lofoten

Dr Ort mitem chürzischte Name isch Hüt üses Ziel gsi: "Å" Vieu het är nid här gä. Mir hei de churz es Steh-Picknik gmacht u si de ufe Rückwäg.

Zersch hei mir e Stopp im malerische Örtli "Henningsvær" gmacht gha. Das isch sehr härzig gsi.

16-06 Tromsö - Lofoten/Svolvær [MS Kong Harald]

Ja, schön isches gsi vo Tromsö nach Solvær mir dr MS Kong Harald. Aber vor Landschaft mängisch o chli wie bi üs uf de See. U ufem Schiff säuber, haut de doch chli Autersheim. Zum Glück hei mir ar Reception bim Ischegge z'Tromsö no chönne e Kabine bueche, so dass mir ir Nacht - isch de auerdings o Zwöi gsi, da mir bim Ablege vom Boot hei wöue dr bis - de o chli Hei chöne pfuse.

Imposant isch wie die Schiff an Ort und Stell chöi chere. So z. B. am Ändi vom Trollefjord wo mir hingere gfahre si u me glich wieder het zrügg müesse. So vo Oug gseh, isch Schiff glich läng gsi wie dr Fjord breit.