När hei mir üs ufe Wäg zum Vasa Museum gmacht. Ja genau das Museum wo ums Vasa Schiff isch bout worde. Ds Vasa Schiff isch chum e Kilometer wit cho, wos wäg dr erschte Böe bereits kenteret isch. Zu instabil isch das brunkige Kriegsschiff bouet worde. Nach über 300 Jahr ufgrund vor Stockholm isches nachere sehr ufwändige Bärgig imene Dock vor Stockholm für sini "Fahrt" ids Museum vorbereitet worde. Die ganzi Konservation vo däm Schiff isch nid ohni. Im Museum isches konstanti 18-20 Grad u e bestimmti - woni ids grad nüm weiss - Luftfüechtigkeit. Idrücklich wie ufwändig mit au dene Figure, verziehrige u verschiedene Farbe das Schiff im 17 Jahrhundert isch boue worde. Aber o wies hüt erhaute wird.
Am Abe hei mir de im Stadtteil Södermalm Znacht gässe u si de no ufe Ussichtspunkt - audo so ne Art Quartierwäg - wo me diräkt uf üses Schiff/Hotel u o Stadthuus gseht.
Öppe am 11i am Abe isches gsi u je nach däm i wele richtig me het gfötelet umso dünkler oder heller isches gsi.
Das isch d'Ussicht vo üsem Bett ufem Schiff. Diräkt ufs Stadthuus bzw zum Turm vom Stadthuus.
Keine Kommentare:
Kommentar veröffentlichen