In Jönköping hets e Shopping u Mittagspouse Stopp ghä. Ja es so richtigs schwedisches IKEA het mau müesse si. Isch auso bi üs ir Schwiz haargenau glich. Zersch hets es Wüschtli mit Brötli u däm super Cholesürige Getränk gä. Chöi ja nid nüechtern ab id Lüt ;-) Ussert chli Serviette, Cherze u so hei mir üs aber zrügg g'haute. Schüsch bruche mir de glich no e Ahänger...
Witer isches nach Gränna gange. Dert wärde au di süesse rot-wiese Zuckerstange gmacht. Süess!!! Hei dr Ladr fasch läär chouft us im Outo versout. Souvenirs zum Hei bringe.
In Vadstena hei mir de no es typisches Vasa Schloss agluegt u es Teeli drunke. Isch bi däm Räge o grad z'Wätter dr zue gsi.
Dank de Koordinate us dr Google Map wo mir de Hei i üsem Navi gspicheret hei, si mir o prompt a üsi Villa (!) häre gfahre. So richtig Näbetuse wo Elch u Has enang guet Nacht säge.
Keine Kommentare:
Kommentar veröffentlichen