06-06 Adieu Laxsjön & Hej Stockholm

Scho isch Zyt im Hüsli verbi. Schön u erholsam isches gsi u doch ids o guet geits wieder ab id Stadt. Stockholm erwartet üs nach öppe 250 km. Unterwägs heiggs grägnet. Co-Pilotin het Bifahrer Chrankheit übercho u pfuset. Stockholm a cho hets wunderbari 18 Grad gha u T-Shirt Wätter. Aber ja mit Wind wo hie so üblich sigi.

So hei mir üsi Kaptäns-Suite ufem the red boat bezoge. Bi Röbu isch dr mit z'rächne, dasses nach dene vier Nächt o di witere vier Nächt no butelet. Nach emene Hallo-Bier si mir de ab ids Stedtli. Damit mir üsi Sohle nid wund loufe hei mir üs e ÖV Charte chouft. 72 Stund Stockholm! 

Im "The Flying Elk" hei mir üs es Znacht gönnt. Isch e coole Bar. Bim Houptlokal vom Frantzen hei mir Spiescharte studiert, mitem Türsteher e Schwatz gha u hei de leider da usbuechet witer müesse. Wär für hüt äuä eh z'Gediege gsi.

So liege mir ids i üsere Kaptäns Suite u gniesse Skyline vo Stockholm.