Donnerstag, 4. Juni 2015

04-06 Naturpark & Spaziergang

Diräkt vom Hüsli us si mir richtig Norde glofe. We möglich am See entlang u mängisch o churz ar Strass a. Bis mit de z'oberscht vom Laxjön - em Östliche übrigens - si a cho. Dert hets e chline Naturpark mit ere "Kort Rundslinga" u ere "Lang Rundslinga". Mir hei de di Längi gmacht. 

Nach guet zwe Stund hei mir am See vorne picknicket u nis chli erholt. Für Hei hei mir de no rund 30 Minute gha. Isch schön gsi! 

Mittwoch, 3. Juni 2015

03-06 Das isch es erwache


bi 35 Knote, Sunneschin u vom Bett us diräkti Sicht ufs Wasser



Gmüetlich Zmörgele, am Mittag mau uf Askersund ga Poschte - si di nächschte Täg säubschtversorger - u när chli d'Umgäbig rund ums Hüsli erkunde.







Übrigens hei mir ke Strom sid mir vom Poschte si zrügg cho. Es chöng Stunde ga.... git de öppe es chauts Znacht bi Cherzeliecht.

02-06 Malmö - Jönköping - Gränna - Askersund

Öppis über 400 km si mir gfahre, um am Schluss am Laxsjön See üses Hüsli z'bezieh.

In Jönköping hets e Shopping u Mittagspouse Stopp ghä. Ja es so richtigs schwedisches IKEA het mau müesse si. Isch auso bi üs ir Schwiz haargenau glich. Zersch hets es Wüschtli mit Brötli u däm super Cholesürige Getränk gä. Chöi ja nid nüechtern ab id Lüt ;-) Ussert chli Serviette, Cherze u so hei mir üs aber zrügg g'haute. Schüsch bruche mir de glich no e Ahänger...

Witer isches nach Gränna gange. Dert wärde au di süesse rot-wiese Zuckerstange gmacht. Süess!!! Hei dr Ladr fasch läär chouft us im Outo versout. Souvenirs zum Hei bringe.

In Vadstena hei mir de no es typisches Vasa Schloss agluegt u es Teeli drunke. Isch bi däm Räge o grad z'Wätter dr zue gsi.

Dank de Koordinate us dr Google Map wo mir de Hei i üsem Navi gspicheret hei, si mir o prompt a üsi Villa (!) häre gfahre. So richtig Näbetuse wo Elch u Has enang guet Nacht säge.

Montag, 1. Juni 2015

01-06 Shopping in Malmö

So vou si üsi Täsche nid worde: e Pulli, zwöi paar Shorts, chli Deko u Souvenirs für i gäub Ordner. 

Ah ja u 1 1/2 Stund hei mir imene Nail Salon verbracht. Ja chli Beauty muess o si.

Fazit vo Malmö: e härzigi Stadt wo mir gärn Hei gseh, aber zwe Täg si guet u mir fröie us uf di nächschte Täg im schwedische Hüüsli bi Askersund - ufem Land wo Elche u Hase enang guet Nacht säge ;-)

Sonntag, 31. Mai 2015

31-05 Sightseeing in Malmö

Gäng wie gäng es Bustour: hie mit dr Buslinie 3 (Ringbus), när ids technische Museum u via Malmöhus dür Malmö gschlendert. Nachem Mittagässe witer gschlendert, no churz bim Operahus verbi - nüt würklich schön - witer via e 9-21 Lade zrügg ids Hotel ga d'Füess ufe ha bevors de zum Znacht geit.

Architektonisch bietet Malmö so einiges:








Samstag, 30. Mai 2015

30-05 a cho in Malmö

Ischegge im Hotel, es Bier zum Apero u när Koffere schleppe u chli im Hotelzimmer a cho. När geits ids Stedtli fürnes feins Znacht.

30-05 u di ganzi Reis eigentlich

nume wäg dr Öresundbrügg












30-05 mit dr Fähri ab Puudgaarden nach Dänemark



30-05 via Perron ab uf d'Outobahn

Genau so geit das in Hamburg-Altona

vom Zug richtig Perron


wo d'Lüt o warte u luege


verbi am Kondukteur u Kiosk


uf Strass use.






29-05 Es geit los

D'A1 am Fritig e volli Freud, aber mir heis gwüsst u gnueg Zyt igrächnet. So hets de ono füre Flammchueche uds Bier in Lörrach glängt, bevor mir zu däm Check-In vom Outobahnhof si. Tönt nach chli me auses isch gsi. Ziemlich Handgstrickt aber sehr sympatisch. U üses Abteil im Wagon e haubi Suite ;-) Röbu het spetischtens den z'erschte mau Heis gha... isch haut chli äng u Züg dr ganz Tag ar Sunne. Das am viertu ab Nüni. Ca. 22:30 isch de dä Zug vorab mit de Outos u üs im Schlepptou losgfahre. 
I ha mers auso rubiger u lüter im Zug vorgsteut. Isch auso no rächt gediege gsi, aber klar nid so wie de Hei.